Извештај од Boston Consulting Group за 2013!!!
   - Македонија за прв пат на HR мапата на Европа!

Creating People Advantage 2013 - Lifting HR practices to the next level е последниот извештај подготвен од страна на Boston Consulting Group во соработка со Европската асоцијација за управување со луѓето - ЕАПМ, врз база на емпириско онлајн истражување спроведено во 34 европски земји на извршни директори и менаџери од различни индустрии и области.

Истражувањето опфаќаше 10 општи теми од областа на менаџментот и HR, за кои што лицата кои учествуваа, од своја перспектива ги рангираа практиките кои се најмногу застапени, кои се актуелни и се од најголема важност во нивната компанија и обратно. Врз основа на квантифицирање на добиените одговори е составена матрица на приоритети во која можат да се воочат темите кои се од најголем интерес и особено значење за компаниите и на кои треба да им се даде целосен фокус во иднина. 

За прв пат на HR мапата на Европа се јавува и нашата земја, благодарение на активностите на Македонската асоцијација за човечки ресусри, со нејзиното активно залагање за пополнување на онлајн истражувањето од страна на HR експертите и лидерите во Република Македонија, кои се активни членки на здружението и одвоија дел од своето време да го дадат својот придонес.

Крајните резултати, препораки и издвоените специфични HR практики, можете подетално да ги разгледате во самиот извештај.