Новиот состав на Управниот одбор на МАЧР ја одржа првата конститутивна средба на ден 7ми февруари 2019 год., со којашто претседаваше претседателот на асоцијацијата Дарко Петровски.
![](articleImage.img/2019/02/15/sednica_edited.jpg)
Новиот состав на Управниот одбор на МАЧР ја одржа првата конститутивна средба на ден 07.02.2019 год., со којашто претседаваше претседателот на асоцијацијата Дарко Петровски. Водејќи се од мисијата и визијата на МАЧР, на конститутивната седница беше утврдена динамиката со која членовите на Управниот одбор ќе се состануваат, идните чекори во насока на прецизирање на визијата и целите на дејствување на МАЧР, како и начинот на понатамошно дејствување со цел остварување на поголема ефективност и продуктивност на HR заедницата.
За време на седницата, волјата и размислувањата на Управниот одбор флуктуираа во насока да се продолжи со поставување на темелите на сигурноста на напредокот на МАЧР, преку едноставни реформи и дејствувања. Поттикнати од напрежните убедувања, членовите на УО преку посреден пат истакнаа дека вистинската смисла на функционирањето на асоцијацијата е во непрекинливата акција, во непреодливата волја на ХР менаџерите да дејствуваат во насока на подобрување на севкупната состојба на ХР заедницата.
Меѓудругото, беше утврдено дека како и до сега, МАЧР ќе ги поттикнува членовите на поголем ангажман, преку практиката на размена на идеи, искуства и информации од ХР областа и ќе обезбедува координација и развој на ХР општеството во јавниот, приватниот, граѓанскиот сектор и академската заедница.
На конститутивна седница се дискутираше за организацијата на 11тата ХР Конференција. Наскоро ќе бидат објавени сите подробности за најголемиот традиционален ХР настан во Македонија! Можеме само да ветиме и констатираме со сигурност дека не очекува настан, кој веруваме ќе ги надмине сите Ваши (а и наши) очекувања!
Тема на дневниот ред на состанокот беше исто така и воведувањето на корпоративното членство. Целта на корпоративното зачленување е преку истото да се слушне страната на организациите, но секако и на HR менаџерите, кои би помогнале во развивањето на стратегиите за подобрување на HR заедницата, подобрување на состојбата во организациите и секако подобрување на состојбата на вработените!
И за крај, оваа средба исто така беше обележана и со оддавање на признание на поранешниот претседател на МАЧР, Христина Лозаноска. Членовите на УО редеа признанија, пофалби, изјави на почит кои само ја потврдија вредноста и важноста на водењето на Христина, и нејзината улога и допринес кон развојот на МАЧР.
![](articleImage.img/2019/02/15/sednica_edited_tina.jpg)
Новиот состав на Управниот одбор можете да го погледнете тука.